ⵜⴰⴳⵓⵔⵉ ⵏ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴷⴰⵜ ⵏ ⵜⵙⵓⵜⵍⵜ ⵜⵉⵙ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ

ⵙⵉⵙⵎⵏⵕⴱⴱⵉ

ⵎⴰⵙⵙⴰⵜⴰⵏⵙⵙⵉⵅⴼⵜⵏⵜⵎⵙⵎⵓⵏⵜⵜⴰⵏⴰⵎⵓⵔⵜⵏⴰⵏⴳⵓⵍⴰ

ⵎⴰⵙⵙⴰⵏⵙⵙⵉⵅⴼⵏⵜⴰⵎⵓⵏⵜⵜⴰⴱⵕⵍⴰⵎⴰⵏⵉⵜⵜⴰⴳⵔⴰⵖⵍⴰⵏⵜ

ⵎⴰⵙⵙⴰⵏⴼⵍⵓⵙⴰⵎⴰⵜⴰⵢ

ⵉⵙⵜⵎⴰⵙⵙⴰⴷⵉⴷⵎⴰⵙⵙⵉⵏⵙⵙⵉⵅⴼⵏⵏⵉⵙⵇⵇⵉⵎⵏⴷⵉⴽⴰⴱⴰⵕⵏⵉⴱⵕⵍⴰⵎⴰⵏⵉⵢⵏ

ⵉⵙⵜⵎⴰⵙⵙⴰⴷⵉⴷⵎⴰⵙⵙ,

 ⵉⴷⴰ ⵉⵢⵉ ⴰⴷⴷⵓⵔ ⴰⴷ ⵙⴰⵡⵍⵖ ⴷⴰⵜ ⵏ ⵓⴳⵔⴰⵡ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵜⵙⵓⵜⵍⵜ ⵏⵏⵙ 147, ⴳ ⵜⵎⴰⵥⵓⵏⵜ ⵏ ⴰⵏⴳⵓⵍⴰ, ⵙ ⵉⵙⵎ ⵏ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ. ⵜⴰⵎⵍⴷⴰ ⴰⴷ ⵣⵣⵓⵍⵖ ⵣⵡⴰⵔ ⴼ ⵜⵎⴰⵣⵉⵔⵜ ⴰⴷ ⵜⴰⵎⴷⴷⴰⴽⴽⵯⵍⵜ, ⴰⵏⴳⵓⵍⴰ, ⴰⵎⴰⴷⴰⵏ ⴷ ⵜⵏⴰⵔⴰ ⴷ ⵜⵏⴱⴰⴹⵟ, ⴼ ⵓⵙⵏⵓⴱⴳ ⴷ ⵓⵙⴱⵔⵔⴽ, ⵏⵏⵓⵜⵣⵖ ⴰⵎⵓⵔⵙ ⵉ ⵓⴳⵔⴰⵡ ⴰⴷ ⴰⴳⵔⴰⵖⵍⴰⵏ, ⵉ ⵉⵎⴷⴷⵓⴽⴽⵯⴰⵍ ⴳ ⴰⵏⴳⵓⵍⴰ ⴼ ⵜⵏⴰⵣⴰⵔⵜ ⴰⴷ ⵜⴰⵅⴰⵜⴰⵔⵜ, ⵙⵓⵜⴳⵖ ⵜⵓⴳⴳⴰⵙ ⵜⵜⵓⵙⵎⵔⴰⵙⵏⵉⵏ ⵉ ⵓⵎⵓⵔⵙ ⵏ ⵜⵙⵓⵜⵍⵜ ⴰⴷ. ⴰⵣⵓⵍ ⵉⵏⵡ ⵉ ⵎⴰⵙⵙⴰ ⴽⴰⵕⵓⵍⵉⵏⴰ ⵙⵉⵔⴽⵉⵔⴰ ⴷ ⵉⵎⴷⴷⵓⴽⴽⵯⴰⵍ ⵏⵏⵖ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴰⵏⴳⵓⵍⴰ ⴳ ⵓⵙⵏⵎⴰⵍⴰ ⵉⵥⵉⵍⵏ ⵏ ⵜⵙⵓⵜⵍⵜ ⴰⴷ.

ⵜⵍⵍⴰ ⵜⵙⵓⵜⵍⵜ ⴰⴷ ⴷ ⵏⴽⴽⵏⵉ ⵏⴹⴼⵕ ⵙ ⵓⵖⵉⵍⵓⴼ ⵉⴳⴳⵓⵜⵏ ⵜⵉⵣⵣⵉⴳⵣⵉ ⵏ ⴳⴰⵔ ⵜⵉⵎⵙⴰⵔⵉⵏ ⴳ ⵡⴰⴽⴰⵍ ⵏ ⴼⴰⵍⵉⵚⵟⵉⵏ ⵉⵜⵜⵢⴰⵎⴰⵥⵏ, ⵍⵍⵉⵖ ⴼⵔⵔⴰⵏ ⵉⵡⴷⴰⵏ ⵉⵖⵔⵎⴰⵏⵏ ⴰⵜⵉⴳ ⵏ ⵜⵡⵓⵔⵉⵡⵉⵏ ⵜⵉⵙⵔⴷⴰⵙⵉⵏ ⵍⵍⵉ ⵊⵊⵓ ⵓⵔ ⵍⵍⵉⵏⵉⵏ ⴷ ⵜⴽⴹⵉ ⵉⵣⴷⵉⵏ ⴷ ⵓⴼⵔⴰⴳ ⴰⵎⴰⵜⴰⵢ.

ⵏⵙⵓⵜⴳ ⴳ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷⴷⴰⴷⵏ ⵉⵎⵣⵔⴰⵢⵏ ⴷ ⵓⵏⵥⵉⵥⵏ ⵍⵍⵉ ⴱⴷⴷⴰ ⵜⵙⴽⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⴳ ⵓⵙⵏⴰⵍ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⴳ ⵜⵖⵏⵙⴰ ⵏⵏⵙ ⵉ ⵉⵣⵔⴼⴰⵏ ⵏⵏⵙ ⵍⵍⴰⵏⵉⵏ ⴳ ⵉⵎⵇⵇⵏⵏ ⴷ ⵜⵖⵜⴰⵙⵉⵏ ⵜⵉⴳⵔⴰⵖⵍⴰⵏⵉⵏ, ⴰⵔ ⵏⵇⵇⵔⴰ ⵉ ⵓⵙⵎⴰⴷ ⵏ ⵜⴰⵙⵙⴰⵙⵜ ⴰⴷ ⴷ ⵓⵙⴱⴷⴷⵉ ⵏ ⵜⵎⴰⵖⵜ ⴰⴷ  ⴷ ⵓⵍⴳⴳⵓⴷ ⴷ ⵓⵕⵥⵥⵓⵎ ⵏ ⵉⵎⵏⴰⴷⵏ ⵉ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵙⵔⵜⴰⵏⵜ, ⴳ ⵓⵙⴰⵜⵉ ⵏ ⵓⵙⵡⵓⵔⵉ ⵍⵍⵉ ⵉⵜⵜⴰⵡⵉⵏ ⴳ ⵜⴳⵉⵔⴰ ⵉ ⵜⵉⵍⵉⵜ ⵏ ⵓⵡⴰⵏⴽ ⵏ ⴼⴰⵍⵉⵚⵟⵉⵏ ⵉⴳⴰⵏ ⴰⵙⵉⵎⴰⵏ ⵙ ⵜⵎⵔⵙⴰⵍ ⵏⵏⵙ ⴷ ⵉⵡⵜⵜⴰ ⵏⵏⵙ ⵜⵜⵓⵙⵙⴰⵏⵏⵉⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵙ ⵜⵎⴰⵥⵓⵏⵜ ⵏⵏⵙ ⵍⵇⵓⴷⵙ.

 ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⵜⴳⴰ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴰⵖⴱⴰⵍⵓ ⵓⴷⴷⵉⵔ ⵉⵙⵡⴰⵍⴰⵏ ⵜⵉⵎⵙⴽⴰⵔ ⵜⵉⴱⵕⵍⴰⵎⴰⵏⵉⵢⵉⵏ ⵜⴰⵜⵔⴰⵔⵉⵏ, ⵍⵍⵉ ⵉⵙⵏⴰⵍⵏ ⵉⴱⵕⵍⴰⵎⴰⵏⵏ ⵉⵏⴰⵓⵔⵏ ⴳ ⵓⵙⴽⵔ ⵏ ⵜⵉⵍⴰⵍ ⵏⵏⵙ ⵜⵉⵙⵉⵍⴰⵏⵉⵏ, ⴷ ⵓⵙⵎⵖⵔ ⵏ ⵜⵎⵙⴽⴰⵔ ⵏⵏⵙ ⵜⵉⴷⵉⵎⵓⵇⵔⴰⵟⵉⵢⵉⵏ, ⴷ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵓⵙⵕⵚⵓ ⵏ ⵓⵎⵇⵇⵏ ⴰⵏⴰⵎⵓⵏ ⵉⴹⵎⵏⵏ ⴰⵙⵓⵊⴷ ⵏ ⵜⵔⵙⴰⵍ ⵏ ⵓⵣⵔⴼ ⴰⵙⵔⵜⴰⵏ ⴷ ⵓⵏⴰⵎⵓⵏ ⴷ ⵓⴷⵍⵙⴰⵏ, ⴷ ⵓⵔⴳⴳⵉⴳ ⵏ ⵓⵏⴳⵔⴰⵡ ⴰⵏⴰⵎⵓⵏ, ⴷ ⵓⵙⵉⵥⴹⵕ ⵏ ⵓⵏⴳⵔⴰⵡ ⵏ ⵜⵎⵔⵙⴰⵍ ⵜⵉⵖⵔⵎⴰⵏⵉⵏ ⵜⵉⵎⴰⵢⵏⵓⵜⵉⵏ ⴷ ⵜⴷⵉⵎⵓⵇⵔⴰⵟⵉⵢⵉⵏ, ⵙⵡⵓⵔⵉⵏⵉⵏ ⴱⴷⴷⵏⵉⵏ ⴼ ⵜⵍⴻⵍⵍⵉ ⴷ ⵓⵙⵍⴳⵏ ⴷ ⵜⵔⵙⴰⵍ ⴷ ⵉⵎⵇⵇⵏⵏ ⵉⴳⵔⴰⵖⵍⴰⵏⵏ ⴷ ⵉⵏⴰⵎⵓⵔⵏ ⵟⵟⴰⴼⵏⵉⵏ ⵜⵉⵍⵍⵓⴳⵏⴰ ⴷ ⵓⵙⵖⵣⵏ ⴷ ⵡⴰⵜⵉⴳⵏ ⵉⵎⴰⵜⵜⵉⵡⵏ ⴷ ⵡⵉⵏ ⵜⵏⴼⴳⵓⵔⵉⵏ ⵟⵟⴰⴼⵏⵉⵏ ⵜⵉⵎⴰⵜⴰⵔⵉⵏ.

ⵉⵥⵉⵍ ⵍⵍⵉⵖ ⵜⵙⵜⵉ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵍⵍⵉ ⵜⵙⵔⵙ ⵉ ⵉⵎⴹⴰⴽⴰⵕⵏ ⵉⵎⴰⵜⴰⵢⵏ ⴳ ⵜⵙⵓⵜⵍ ⴰⴷ ⵢⴰⵏ ⵓⵙⵏⵜⵍ ⵉⵣⴷⵉⵏ ⴷ ⵡⴰⵡⵜⵜⴰⵙ ⵡⵉⵙ 13 ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⵏ ⵓⵙⴳⴳⵯⴰⵙ ⵏ 2023, ⵍⵍⵉ ⵜⵙⵔⵙ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ, ⵉⵣⴷⵉⵏ ⴷ ⵓⵙⴷⵓⵙ ⵏ ⵓⴼⵔⴰ ⴷ ⵜⵣⵔⴼⵜ ⴼⴷ ⵓⵙⵔⵓⵙ ⵏ ⵜⵎⵔⵙⴰⵍ ⴷ ⵓⵡⴰⵏⴽ ⵏ ⵜⵎⵔⵙⴰⵍ ⴷ ⵜⵉⵔⵡⵉ ⴷ ⵜⴷⵓⵙⵉ ⵏ ⵜⵎⵔⵙⴰⵍ , ⵜⵉⴼⴰⴷⵉⵡⵉⵏ ⵍⵍⵉ ⴷ ⵉⵇⵇⴰⵏ ⴰⴷ ⵉⵍⵉⵏⵜ ⵃⵎⴰ ⴰⴷ ⵉⵜⵜⵓⵙⴽⵉⵔ ⵓⵙⴰⵜⵉ ⴰⵎⴰⵜⴰⵢ ⵏ ⵉⵡⵜⵜⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵉⵥⴹⵉⵕⵏ ⵉⵎⴰⴷⴰⵏⵏ ⴰⴷ ⵙⴱⴷⴷⵏ ⵎⴰⵕⵕⴰ ⵜⵉⵏⴰⵥⴰⵕⵉⵏ, ⴰⵡⵉⵏⵜ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵜⴰⵎⵢⵉⵎⴰⵏⵜ ⵏⵏⵙⵏⵜ.

ⵎⴰⵙⵙⴰⵏⵙⵙⵉⵅⴼ,

ⵜⵉⵏⴳⴳⵯⴰⴷⵉⵏⴳⴳⵯⴰ,

ⵜⵍⵍⴰ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵓⴳⵯⵏⵙ ⵏ ⵜⵎⵙⴰⵔⵉⵏ ⵏ ⵜⴳⵎⵉ ⴷ ⵜⵣⵔⴼⵜ ⴷ ⵓⴼⵔⴰ ⴷ ⵜⵏⴼⵔⵓⵜ ⴷ ⵓⵔⴳⴳⵉⴳ. ⵉⵖ ⵜⵍⵍⴰ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⵙⴳ ⴰⵙⵜⴰⵢ ⵉⵍⴻⵍⵍⵉ ⵉⴼⴰⵡⵉⵏ, ⵜⴻⵟⵟⵉⴼ ⵜⴰⴷⵓⵙⵉ ⵏ ⵜⴳⵯⵏⵙⴰⵙⵜ , ⴷ ⵜⵙⵓⴳⵔⵜ ⵏ ⵓⵙⵡⵓⵔⵉ  ⴳ ⵓⵙⴽⵔ ⵏ ⵜⵖⵜⴰⵙⵉⵏ, ⴷ ⵓⴼⴰⵔⵙ ⵏ ⵉⵣⵣⵔⴰⴼⵏ ⴷ ⵓⵙⴰⵏⵉⵏ, ⴷ ⵜⵉⵍⵉⵜ ⴳ ⵜⵉⵍⴰⵡⵜ ⵜⴰⴽⵓⵢⴰⵙⵜ,  ⴷ ⵓⴹⴼⵕ ⵏ ⵉⵅⵎⵎⵉⵎⵏ ⵏ ⵉⵏⵎⵓⵔⴰⵏ ⴷ ⵓⵙⵙⴼⵍⴷ ⵏ ⵜⵓⵜⵔⴰⵡⵉⵏ ⴷ ⵉⵙⵖⴰⵡⴰⵙⴰⵜⵏ ⵏⵏⵙⵏ ⴳ ⵜⵎⵏⵜⵍⵉⵏ ⴷ ⵜⴼⵔⴽⵉⵡⵉⵏ, ⴰⵢⵍⵍⵉ ⴰⵙ ⵢⴰⵙ ⵢⴰⴽⴽⴰⵏ ⵜⵉⵍⵍⵓⴳⵏⴰ ⵉⴳⴰⵏ ⵜⵉⴷⵜ ⴷ ⵓⵎⵙⴰⵙⴰ.

ⵏⴷⴷⵔ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⵉⵏ ⵉⵣⵎⴰⵣ ⵛⴷⴷⴰⵏⵉⵏ, ⵜⴰⵎⵣⵡⴰⵔⵓⵜ ⴷⴰⵜ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴽⵓⴼⵉⴷ 19, ⵜⵔⵎⵙ ⵜⵎⴰⵣⵉⵔⵜ ⵏⵏⵖ ⴳ ⵓⵙⴽⵔ ⵏ ⵜⵡⵡⵓⵔⵉ ⵜⴰⵎⵣⵡⴰⵔⵓⵜ ⴷ ⵓⵙⵎⵓⵙⵙ ⵏ ⵜⵥⴹⴰⵕⵉⵏ ⵏ ⵓⵡⴰⵏⴽ ⴷ ⵡⴰⵎⵓⵏ, ⵏⵙⵎⵏⵉⴷ ⴰⵏⴰⵡⴽ ⴳ ⵓⵙⴱⴷⴷⵉ ⴷ ⵓⵙⴰⵜⵉ ⴳ ⵡⴰⴽⴰⵍ ⴷ ⵓⴼⵔⴰⴳ ⵏ ⵓⵎⴰⴷⴰⵏ ⵏⵏⵖ ⵙⴳ ⵜⵉⵢⴰⴼⵓⵜⵉⵏ ⴳⴰⵏⵉⵏ ⴳⴰⵔ ⵍⵍⵉ ⴷⴷⵔⵏⵜ ⴽⵉⴳⴰⵏ ⵏ ⵜⵎⵉⵣⴰⵔ.  ⵉⴳ ⵓⵎⴷⵓⴷⵉ ⴰⵎⴳⴳⴰⵔⵓ (ⴰⵎⴷⵓⴷⵉ ⵏ ⵍⵃⵓⵣ ⵏ ⵡⴰⵎⵓⵔ ⵏ ⵡⴰⴽⵓⵛ ⴳ ⵜⵉⵥⵥⵓⵎⵜ ⵏ ⵍⵎⵖⵔⵉⴱ) ⴳ 8 ⵛⵓⵜⴰⵏⴱⵉⵔ ⵉⵣⵔⵉⵏ ⵢⴰⵏ ⵓⵣⵎⵣ ⵏ ⵓⵙⵜⴰⵢ ⵍⵍⵉ ⵖ ⵜⴱⴷⴷ ⵜⵎⴰⵣⵉⵔⵜ ⵏⵏⵖ ⵉ ⵓⵙⴱⴷⴷⵉ ⵏⵏⵙ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ, ⴷⴰⵜ ⵏ ⵜⵏⴱⴰⴹⵜ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵜⵎⵔⵙⴰⵍ ⵜⵉⵎⴰⴷⴷⵓⴷⵉⵏ ⴷ ⵜⵎⴷⵏⴰⵏⵉⵏ ⵖ ⵉⵍⵍⴰ ⵓⴱⵕⵍⴰⵎⴰⵏ. ⵉⴼⴽⴰ ⴷⴰⵖ ⵍⵎⵖⵔⵉⴱ ⵜⵉⴽⴽⵍⵉⵜ ⵢⴰⴹⵏⵉⵏ ⴰⵏⴰⵡ ⵉⴼⴰⵡⵏ ⴳ ⵓⵙⴱⴷⴷⵉ ⵏ ⵜⴰⵙⵙⴰⵙⵉⵏ ⵍⵍⵉ ⴷ ⴳⴳⵔⴰⵏⵉⵏ ⵟⵟⴰⴼⵏⵉⵏ ⴰⵥⴰⵥⵓ ⴰⵏⴰⵜⴰⵎ, ⴰⵢⵍⵍⵉ ⴷ ⵢⵉⵡⵉⵏ ⴰⵙⵡⵓⵔⵉ ⴷ ⵓⵍⴳⴳⵓⴷ, ⴷ ⵡⴰⵍⴰⵢ ⵏ ⵓⵙⵎⵓⵙⵙⵓ ⴰⵏⴰⵎⵓⵔ, ⴷ ⵓⵍⴳⴳⵓⴷ ⵏ ⵓⵣⵣⵔⴰⴼ ⵉⴹⵎⵏⵏ ⵜⵉⵍⵍⵓⴳⵏⴰ ⵏ ⵜⵖⵜⴰⵙⵉⵏ ⴷ ⵜⵏⵏⵓⴱⴹⴰ ⵉⵥⵉⵍⵏ, ⴷ ⵓⵙⴽⵔ ⵏ ⵉⵙⵡⵓⴷⴷⵓⵜⵏ ⵉⵣⵔⴼⴰⵏⵏ, ⵡⵉⵏ ⵢⵉⵙⴽⵉⵍ, ⵉⵜⵜⴰⵡⵉⵏ ⵙ ⵓⵎⵛⴰⴱⴱⴰⴽ ⵏ ⵡⴰⵎⵓⵏ ⴷ ⵜⵢⴰⵏⵜ ⵜⴰⵏⴰⵎⵓⵔⵜ, ⵉⴹⵎⵏⵏ ⵜⴰⵎⴷⵔⴰⵡⵜ ⵜⴰⵖⵔⵎⴰⵏⵜ ⵉ ⵜⵏⵎⵓⵔⵉⵏ ⴷ ⵓⵏⵎⵓⵔⴰⵏ.

ⵙ ⵜⵎⵍⴷⴰ ⴰⴷ, ⴷⴰ ⵙⵏⵉⵎⵎⵉⵔⵖ ⵎⴰⵕⵕⴰ ⵜⵉⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⵍⵍⵉ ⴰⵖ ⵙⵏⴰⵍⵏⵉⵏ ⴳ ⵜⴰⵙⵙⴰⵙⵜ ⵏⵏⵖ ⵜⴰⵎⴳⴳⴰⵔⵓⵜ ⵙ ⵓⴼⵛⴰⴷ ⴷ ⵜⵡⵉⵣⵉ ⴷ ⵓⵙⵓⵊⴷ ⵉ ⵓⵙⵏⴰⵍ, ⵜⴰⵎⵍⴷⴰ ⴳ ⵙⴷⴷⵉⴷⵖ ⵎⴰⵙ ⴷ ⴰⵣⵎⵣ  ⵏ ⵓⵎⴷⵓⴷⵉ ⴰⵎⴳⴳⴰⵔⵓ, ⴷⴰⵜ ⵏⵏⵙ ⴰⵣⵎⵣ ⵏ ⵓⴱⴰⵢⵢⵓⵕ ⵉⵀⵔⵛⵏ  ⵍⵍⵉ ⵉⵙⵙⵕⵎⵉⵏ ⵉⵡⴰⵏⴽⵏ ⴷ ⵜⵎⵉⵣⴰⵔ ⵎⵇⵇⵓⵔⵏⵉⵏ ⴳ ⵓⵎⴰⴹⴰⵍ, ⴰⵔ ⵎⵎⴰⵍⴰⵏⵜ ⵎⴰⵙⴷ ⵜⴰⵎⴰⵣⵉⵔⵜ ⵏⵏⵖ ⵜⵙⵔⵙ ⵜⵉⵔⵙⴰⵍ ⵏ ⵓⵔⴳⴳⵉⴳ ⴳ ⵉⵍⵍⴰ ⵓⵚⴽⵓ ⵏ ⵓⵡⴰⵏⴽ ⵏ ⵜⵎⵔⵙⴰⵍ ⵙⵡⵓⵔⵉⵏⵉⵏ,  ⴷ ⵓⵙⵓⵊⴷ ⵏ ⵡⴰⵏⴰⵡ ⴰⵏⴰⵎⵓⵔ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵉⵏ ⵉ ⵉⵅⴼ ⵏⵏⵙ ⴷ ⵜⴳⵎⵉ ⵜⴰⵙⵔⵜⴰⵏⵜ ⵍⵍⵉ ⵉⴱⴷⴷⵏ ⴼ ⵜⵎⵢⴰⴷⴰⵙⵜ ⵏ ⵉⵣⵔⴼⴰⵏ ⴷ ⵓⴷⵓⵙⵜⵓⵔ ⴷ ⵓⴱⵔⵉⴷ ⴰⵎⴰⴹⵍⴰⵏ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵙⵕⵚⵓ ⵏ ⵜⴰⵙⵓⵜⵉⵏ ⵜⵉⵎⴰⵢⵏⵓⵜⵉⵏ ⵏ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⵡⵏⴹⴰⵏⵏ ⴷ ⵉⴷⵍⵙⴰⵏⵏ ⴷ ⵉⵙⵏⵉⵍⵙⵏ, ⵜⵇⵇⴰⵏⴷ ⵜⵓⴷⵔⵜ ⵏ ⵜⴰⵙⵙⴰⵙⵉⵏ ⴷ ⵉⵔⵉⵎⵏ ⵛⴷⴷⴰⵏⵉⵏ ⴷ ⴰⴳⵣⵣⵓⵎ ⵙⴳ ⵜⵉⵔⵎⵉⵜ ⵏⵏⵙ ⵜⴰⵎⵣⵔⴰⵢⵜ, ⵜⴼⴽ ⵉⵙⴼⴰⵙⴽⴰⵜⵏ ⴷ ⵓⵏⴳⵉⵙⵏ ⵜⵏⵔⵓ ⵜⵉⵏⴰⵥⴰⵕⵉⵏ ⵉ ⵉⵅⴼ ⵏⵏⵙ, ⴷ ⵡⴰⴷⴷⵓⵔ ⵏ ⵓⵎⴰⴷⴰⵏ ⵏⵏⵙ ⴷ ⵡⴰⵢⴷⴰ ⵏⵏ ⴷ ⵉⵎⴷⴷⵓⴽⴽⵯⴰⵍ ⵏⵏⵙ ⵉⵏⵏⴰ ⴳ ⵍⵍⴰⵏ, ⵜⵏⵔⵓ ⵉ ⵡⴰⵜⵉⴳⵏ ⵉⵏⴼⴳⴰⵏⵏ, ⴷ ⵜⵏⴼⴳⵓⵔⵉⵏ ⵏ ⵜⵎⵙⴰⵢⵜ ⴷ ⵓⵎⵣⵔⵓⵢ.

ⵏⵔⵎⵙ -ⵜⵓⵎⵔⵜ ⵉ ⵕⴱⴱⵉ- ⴳ ⵜⵏⴰⵥⴰⵕⵉⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴰⵛⴽⵓ ⵍⵎⵖⵔⵉⴱ ⵉⵙⴽⵔ ⴰⵏⴰⵡ ⵏⵏⵙ ⵉⴱⴷⴷⵏ ⴼ ⵜⴷⵉⵎⵓⵇⵔⴰⵟⵉⵜ, ⴷ ⵉⵙⵜⴰⵢⵏ ⵉⵙⵜⵔⴰⵜⵉⵊⵉⵢⵏ ⴱⴷⴷⵏⵉⵏ ⴼ ⵓⴼⴳⴰⵏ ⴷ ⵓⵙⵖⵓⴷ ⵏ ⵏ ⵜⴳⵯⵏⵙⴰⵙⵜ ⵏ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ, ⴷ ⵓⵙⵎⵖⵔ ⵏ ⵉⵎⴰⵏ ⵏ ⵓⵙⵎⵔⵙⵍ ⴳ ⵜⵎⵙⵙⵓⴳⵓⵔⵜ ⴷ ⵓⵙⵖⵉⵡⵙ ⴷ ⵓⵙⴽⵔ ⵏ ⵜⵖⵜⴰⵙⵜ. ⵏⵙⴽⵔ ⴳ ⵉⵣⵔⴼⴰⵏ ⵓⴼⵔⵉⴷⵏ ⴷ ⵉⵎⴳⵔⴰ ⵜⵓⵎⴰⵢⵉⵏ ⴼⴰⵡⵏⵉⵏ ⴳ ⵓⴷⵓⵙⵜⵓⵔ ⵏ ⵜⵎⴰⵣⵉⵔⵜ ⵏⵏⵖ, ⴰⵢⵍⵍⵉ ⵎⵎⴰⵍⵍⴰⵏⵜ ⵜⵙⵔⴰⵢ ⵜⵉⴳⴷⵓⴷⴰⴷⵉⵏ ⵍⵍⵉ ⵉⵙⵖⵣⵏ ⵓⴱⵕⵍⴰⵎⴰⵏ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ ⴷ ⵜⵉⴹⴰⴼ ⴷ ⵓⴹⴼⵕ ⵏ ⵜⵣⵣⵉⴳⵣⵜ ⴷ ⵓⵙⵓⵜⴳ, ⴰⵢⵍⵍⵉ ⵎⵎⴰⵍⴰⵏ ⵉⵖⴰⵡⴰⵙⵏ ⴼⴰⵡⵏⵉⵏ ⴳ ⵉⴳⵔ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵜⴷⵓⵙⵉ ⵜⴰⴳⴷⵓⴷⴰⵏⵜ ⴷ ⵓⵎⵛⴰⴱⴱⴰⴽ ⴰⵏⴰⵎⵓⵏ ⴷ ⵓⴼⵔⴰⴳ ⴰⵏⴰⵎⵓⵏ ⴷ ⴰⵏⴳⵔⴰⵡ ⵏ ⵜⵡⵉⵣⵉ ⵏ ⵜⵙⵏⵉⵊⵊⵉⵜ ⴷ ⵓⵙⴼⵍⵙ ⴰⴷⵓⵙⴰⵏ ⵙⴳ ⵜⵉⵎⵓⴹⴰⵏ ⵏⵖ ⵜⵉⵓⴼⴰ ⴷ ⵓⵙⵏⴰⵍ ⴰⵎⴰⵜⵜⵉⵡ ⵓⵙⵔⵉⴷ, ⴷ ⵓⵙⴽⵔ ⵏ ⵉⵎⴰⵙⵙⴰⵏ ⵏ ⵜⵏⴳⴰⴷⴷⴰⵢⵜ ⵏ ⵡⴰⵏⵏⴰⵣⵏ ⵊⴰⵔ ⵉⵏⵎⵓⵔⴰⵏ ⵏⵏⵖ, ⴷ ⵓⵙⴽⵔ ⵏ ⵢⵉⵙⴽⵉⵍ ⴷ ⵜⵣⵔⴼⵜ ⵜⴰⵣⵔⴼⴰⵏⵜ ⵉ ⵓⵙⴽⵔ ⵏ ⵡⴰⵏⴰⵡ ⵏ ⵓⵙⵉⴷⴼ ⵙ ⵓⵙⴽⵔ ⵏ ⵡⴰⵏⴰⵡ ⵍⵍ ⴷ ⵜⵇⵇⴰⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⴳ ⵜⵎⴰⵣⵉⵔⵜ ⵉⵟⵟⴰⴼⵏ ⴰⵏⴰⵔⵓⵣ ⵏⵏⵙ ⵓⵍⴳⵉⵏ ⴳ ⵜⵣⵣⵉⴳⵣⵜ , ⵎⴰⵛⵛ ⵜⴼⵔⴽ ⵙ ⵜⵥⴹⴰⵕⵉⵏ ⵏⵏⵙ, ⵜⵡⴰⵜⵜⵙ ⵜⴰⵔ ⴰⴱⴷⴰⴷ ⴰⵙⵎⵓⵙⵙ ⵏ ⵉⵔⴳⴳⵉⴳⵏ, ⴷ ⵓⴼⴰⵔⵙ ⵏ ⵡⴰⵢⴷⴰ ⴷ ⵓⵙⴽⵔ ⵏ ⵜⵓⵎⵔⵜ ⵍⵍⵉ ⵏⵔⴰ.