ⵜⵉⵏⵏⴰⵡⵜ ⵏ ⵎ.ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵙ ⵉⵙⵎ ⵏ ⵜⴰⵢⵢⴰⵡⵜ ⵜⴰⵎⵖⵔⵉⴱⵉⵜ ⴳ ⵓⴳⵔⴰⵡ 143 ⵏ ⵜⵎⵙⵎⵓⵏⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ

ⵎⴰⵙⵙ ⴰⵏⵙⵙⵉⵅⴼ

ⵜⵉⵏⴳⴳⵯⴰⴷ ⵉⵏⴳⴳⵯⴰ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵉⴳⵎⴰⵎⵏ ⵏ ⵉⴽⴰⴱⴰⵕⵏ

ⵎⴰⵙⵙ ⴰⵎⴰⵔⴰ ⴰⵎⴰⵜⴰⵢ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵉⵙⵙⵓⵙⵎ ⵢⵢⵉ ⴳ ⵜⵣⵡⵉⵔⵉ ⴰⴷ ⵙⵏⵉⵎⵎⵔⵖ, ⵙ ⵉⵙⵎ ⵏ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵜⵉⵏⴱⴰⴹⵉⵏ ⵏ ⵚⴱⴰⵏⵢⴰ ⴷ ⵓⴱⵕⵍⴰⵎⴰⵏ ⵏⵏⵙ ⴼ ⵓⵙⵏⵓⴱⴳ ⵏ ⵜⵙⵓⵜⵍⵜ 143 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴷ ⴰⴷ ⵙⵓⵜⴳⵖ ⵙ ⵜⵙⵓⴳⵔⵜ ⵏ ⵜⵎⴰⵣⵉⵔⵜ ⴰⴷ ⵜⴰⵎⴷⴷⴰⴽⴽⵯⵍⵜ ⵜⴰⴹⵊⴰⵕⵜ ⵜⴰⵎⴷⵔⴰⵡⵜ ⴼ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⴰⴷ ⴷ ⵓⵙⵓⵊⴷ ⵏ ⵓⵎⵓⵔⵙ ⵏⵏⵙ ⴳ ⵓⵎⵏⴰⴹ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴷ ⵉⴷⵔⵉⵣⵏ ⵏⵏⵙ ⵙⴽⵔⵏⵉⵏ ⵉⵙⵏⴼⵍⵏ ⵅⴰⵜⵔⵏⵉⵏ ⴳ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵉⵎⴰⵎⴽⵏ ⵏ ⵜⵡⵡⵓⵔⵉ ⴷ ⵜⵎⵣⵡⴰⵔ.

ⵜⵥⵉⵍ ⵜⵡⵡⵓⵔⵉ ⵏ ⵜⴰⵎⵓⵏⵜ ⵏⵏⵖ ⵍⵍⵉⵖ ⵜⵙⵜⵉ ⴰⵙⵏⵜⵍ ⵏ “ⵓⵣⵣⵔⴰⵢ ⵏ ⵉⵎⵣⵔⴰⵢⵏ ⴷ ⵓⵙⴷⵓⵙ ⵏ ⵓⵎⵛⴰⴱⴱⴰⴽ ⵉ ⵡⴰⵍⴰⵢ ⵏ ⵜⵏⴰⵥⴰⵕⵉⵏ ⵎⵏⵉⴷ ⵏ ⵜⴷⵉⵎⵓⵇⵔⴰⵟⵉⵜ”, ⵉ ⵓⵎⴹⴰⴽⴰⵕ ⴰⵎⴰⵜⴰⵢ ⵏ ⵜⵙⵓⵜⵍⵜ ⴰⴷ. ⵉⵙⵙⵎⵖⵔ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵉⵎⵣⵔⴰⵢⵏ ⵉⵏⴰⵎⵓⵏⵏ ⴷ ⵉⴷⵖⴰⵔⴰⵏⵏ ⴳ ⵢⴰⵜ ⵜⵎⴰⵣⵉⵔⵜ ⴷ ⵏⴳⵔ ⵉⴳⵎⴰⵎⵏ ⵏ ⵓⵎⴰⴹⴰⵍ, ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ, ⵊⴰⵔ ⵜⵉⵎⵣⵉⴰⵔ ⵜⵉⴱⵖⵓⵔⵉⵏ ⴷ ⵜⵎⵥⵍⴰⴹ, ⵉⵎⵖⵓⵔⵏ ⵉⵎⵣⵔⴰⵢⵏ ⴷ ⵉⵙⵡⴰⵍⴰⵜⵏ, ⴷ ⵓⴷⵎⴰⵡⵏ ⵏ ⵓⴼⵔⴰⵏ ⴷ ⵓⵙⵖⵓⵢⵢⵓ ⴳ ⵉⴼⴼⵓⵙ ⴷ ⵉⵥⵥⵍⵎⴹ.

ⵉⵙⵙⵎⵖⵔ ⵓⵙⵓⵔⵙ ⴰⴷ ⵜⵉⵏⴰⵥⴰⵕⵉⵏ ⴷⴰⵜ ⵏ ⵜⴷⵉⵎⵓⵇⵕⵔⴰⵟⵉⵜ ⵜⴰⴳⵯⵏⵙⴰⵙⵜ, ⵍⵍⵉⵖ ⵓⴼⴰⵏⵜ ⵜⵖⵓⵔⵉⵡⵉⵏ ⵇⵇⵏⵏⵉⵏ ⵜⴰⵙⵉⵍⴰ ⵃⵎⴰ ⴰⴷ ⵎⵖⵔⵏⵜ ⴰⴼⵉⵏ ⵉⵙⵡⵉⵏⴳⵉⵎⵏ ⵏ “ⵜⵏⵏⵓⴱⴹⴰ” ⵜⵉⵎⵏⵜⴰⵍ ⵜⵉⵎⴰⵢⵏⵓⵜⵉⵏ ⵓⵔ ⴷⵓⵙⵏⵉⵏ ⵉ ⵓⵙⴼⵉⵡ ⵏ ⵜⵉⵏⵏⴰⵡⵉⵏ ⴷ ⵜⵖⵔⵉⵡⵉⵏ ⵏⵏⵙ ⵉ ⵓⴼⵔⴰⴳ ⴷ ⵓⵙⵎⵖⵔ ⵏⵏⵙ ⴳ ⵓⵙⵡⵉⵏⴳⵎ ⴰⵎⴳⵔⵓ ⵏ ⵉⵡⴷⴰⵏ.

ⵎⵏⵉⴷ ⵏ ⵡⴰⵏⴰⵡ ⵏ ⵓⵙⵡⵉⴳⵎ ⴰⴷ ⵉⵟⵟⴰⴼⵏ ⵉⴷ ⴱⴰⴱ ⵏⵏⵙ ⴳ ⵉⵥⵥⵍⵎⴹ ⵓⵍⴰ ⴳ ⵉⴼⴼⵓⵙ, ⵉⵙⵙⵏⵜⵉ ⵓⵙⵢⴰⴼⴰ ⵙ ⵜⴻⵟⵟⵓⵕⴼⴰ ⴷⴰⵔ ⴽⵉⴳⴰⵏ ⵏ ⵉⵡⴷⴰⵏ ⵏ ⵓⵎⴰⴹⴰⵍ ⵙⵍⴰⵡⴰⵏ ⴰⴽⴽⵯ ⴳ ⵉⴼⴼⵓⵙ. ⵉⵙⵙⵎⵖⵔ ⵓⴱⴰⵢⵢⵓⵕ ⵓⴷⵎⴰⵡⵏ ⵏ ⵓⵥⵍⴰⴹ, ⵉⵙⵙⵕⵎⵉ ⵓⵍⴰ ⵉⵏⴳⵔⴰⵡⵏ ⴷ ⵜⵏⵓⴼⴰ ⵏ ⵓⴷⵡⴰⵙ ⵍⵍⵉ ⴰⴽⴽ ⴰⴷⵍⵍⵉ ⵓⵔ ⴳⵉⵏⵉⵏ ⵢⴰⵜ, ⵢⵉⵎⵖⵓⵔ ⵓⵎⴽⵕⴰⴹ ⴰⴳⴷⵓⴷⴰⵏ ⵍⵍⵉ ⴰⴽⴽ ⵉⴷⵔⵓⵙⵏ.

ⴰⵢⵍⵍⵉ ⵉⵣⵉⵢⴷⵏ ⴳ ⵓⵙⵢⴰⴼⴰ ⴰⴷ, ⵉⴳⴰ ⵜ ⵜⴰⵛⵛⴰⵃⵓⵕⵜ ⵏ ⵜⵡⵉⵣⵉ ⵜⴰⴳⵔⴰⵖⵍⴰⵏⵜ ⴳ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⴰⴽⴷ ⵉⵎⴰⴷⴰⵏⵏ ⵏ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ, ⵙ ⴰⵢⵍⵍⵉ ⵙ ⵏⴷⴷⵔ ⴳ ⵉⴳⵣⵣⴰⵢⵏ, ⴰⵔ ⵜ ⵜⵎⵎⴰⵍ ⵜⵣⵣⵉⴳⵣⵜ ⵏ ⵓⴳⵣⵣⴰⵢ ⴳ ⵉⴼⵔⵉⵇⵢⴰ ⵍⵍⵉ ⵖ ⵏⴻⵍⵍⴰ, ⵏⵙⴷⴷⵉⴷ ⴼ ⵓⵣⵔⴼ ⵏ ⵉⵎⴰⴷⴰⵏⵏ ⵏⵏⵙ ⴳ ⵉⴳⵣⵣⴰⵢⵏ ⴷ ⵉⵙⴰⴼⴰⵔⵏ.

ⵎⴰⵙⵙ ⴰⵏⵙⵙⵉⵅⴼ, ⵜⵉⵏⴳⴳⵯⴰ ⴷ ⵉⵏⴳⴳⵯⴰ, ⵏⵔⴰ ⴰⴷ ⵏⵙⵇⵙⴰ ⵙ ⵓⵎⵣⵔⵓⵢ ⴰⵇⴱⵓⵔ ⴷ ⵓⵜⵔⴰⵔ ⵉⵙ ⵜⴳⴰ ⴷ ⵉⵙ ⵔⴰⴷ ⵜⴳ ⵜⴷⵉⵎⵓⵇⵔⴰⵟⵉⵜ ⵜⴰⴳⵯⵏⵙⴰⵙⵜ ⵢⴰⵏ ⵓⵙⵖⴰⵡⵙⴰ ⴰⵏⴰⵎⵓⵏ ⴷ ⵓⵛⵛⵉⵍ ⴰⵎⵔⵙⵍⴰⵏ.

ⴳ ⵓⵣⵎⵣ ⵏ ⵓⴱⴰⵢⵢⵓⵕ, ⵉⵍⵍⴰ ⵓⵙⵖⴰⵡⵙⴰ ⵙ ⵉⴱⵕⵍⴰⵎⴰⵏⵏ ⵉ ⵓⵙⵖⵣⵏ ⵏ ⵉⵣⵣⵔⴰⴼⵏ ⴷ ⵓⵙⴰⵏⵉⵏ ⴷ ⵓⵎⵏⴰⴹ, ⴷ ⵓⴼⴳⵔⴰⴳ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ ⴷ ⵜⵎⵙⴰⵙⵜⵍⵜ ⵜⵓⵛⵛⵉⵍⵜ ⵉ ⵓⵙⵙⵥⵕⴼ ⵏ ⵜⴷⵎⵙⴰ ⴷ ⵜⵓⵔⴰⴳⵜ ⵉ ⵓⵎⴽⵕⴰⴹ ⴳ ⵓⵎⵏⴰⴹ ⵉⵥⵍⵉⵏ. ⴰⵔ ⴰⵖ ⵉⵎⵎⴰⵍ ⵓⵎⵣⵔⵓⵢ ⵙⴳ ⴰⵜⵉⵏⴰ ⵜⴰⵇⴱⵓⵔⵜ, ⵙⴳ 25 ⵏ ⵜⴰⵙⵓⵜ ⵎⴰⵙ ⵉⴳⴰ ⵓⵎⴽⵕⴰⴹ ⴷ ⵓⴷⵉⵎⵓⵇⵔⴰⵟⵉ ⴰⵙⵖⴰⵡⵙⴰ ⴰⵙⵔⵜⴰⵏ ⴷ ⵓⵏⴰⵎⵓⵏ. ⵢⴰⴽ ⵜⴳⴰ ⵜⴷⵉⵎⵓⵇⵔⴰⵟⵉⵜ ⵜⴰⴳⵯⵏⵙⴰⵙⵜ ⵜⴰⵎⵏⵏⴰⵡⵜ ⴰⴼⵙⵙⴰⵢ ⵙⴳ ⵜⴰⵙⵙⴰⵙⵉⵏ ⴳ ⵜⴼⵔⴽⴰ ⴷⴼⴼⵉⵔ ⵏ ⵜⵎⴰⵖⴰⵜ ⵜⴰⵎⴹⵍⴰⵏⵜ ⵜⵉⵙ ⵙⵏⴰⵜ? ⵜⴳⴰ ⴰⵖⴰⵡⵙⴰ ⴰⵔⵙⵜⴰⵏ ⵍⵍⵉ ⵙⵉⴳⴳⵉⵍⵏ ⴽⵔⴰ ⵏ ⵉⵎⴰⴷⴰⵏⵏ ⴰⵙⵙ ⴰⴷ ⴷⴷⵔⵏⵉⵏ ⴳ ⵜⵎⴰⵖⵜ ⵜⴰⴳⵯⵏⵙⴰⵏⵜ ⴷ ⵓⴱⵔⵙⵙⵉⵡⴷ?

ⵎⴰⵙⵙ ⴰⵏⵙⵙⵉⵅⴼ

ⴰⵔ ⵜⵜⵉⵏⵉⵏ ⴽⵔⴰ ⵏ ⵉⵙⵡⵉⵏⴳⵉⵎⵏ ⵎⴰⵙ ⵜⵕⵎⵉ ⵜⴷⵉⵎⵓⵇⵔⴰⵟⵉⵜ ⵜⴰⵎⵔⵙⵍⴰⵏⵜ ⵜⴰⴳⵯⵏⵙⴰⵙⵜ, ⵜⵉⵏ ⵉⴱⵕⵍⴰⵎⴰⵏⵏ, ⵙⵙⵕⵎⵉⵏ ⵜⵜ ⵓⵍⴰ ⵉⵙⵡⵉⵏⴳⵉⵎⵏ ⵎⴳⴰⵍ ⵏ ⵜⴷⵉⵎⵓⵇⵔⴰⵟⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵜⵎⵔⵙⵍⴰⵏⵜ ⴷ ⵜⵉⵏ ⵜⴳⵯⵏⵙⴰⵙⵜ.

ⵉⵖ ⵜⴷⵓⵙ ⵜⴰⵢⵢⴰⵡⵜ ⴰⴷ ⵙ ⴽⵉⴳⴰⵏ ⵓⵍⴰ ⵉⵎⵉⴽⴽ, ⵉⵇⵇⴰⵏ ⴰⵖ ⴷ ⴷ ⵉⴱⵕⵍⴰⵎⵏⵉⵢⵏ ⴷ ⵜⵓⴼⵔⵉⵏⵉⵏ, ⴰⴷ ⵏⴼⴽ ⵓⵏⴼⵓⵙ ⴰⵙⵜⵔⴰⵜⵉⵊⵉ ⵉ ⵜⴷⵉⵎⵓⵇⵔⴰⵟⵉⵜ, ⵃⵎⴰ ⴰⴷ ⵜⴻⵟⵟⵉⴼ ⵜⵡⵡⵓⵔⵉ ⵏ ⵉⴱⵕⵍⴰⵎⴰⵏⵏ ⵜⴰⵢⵢⴰⴼⵓⵜ, ⵍⵍⵉⵖ ⵜⴳⴰ ⵜⴷⵉⵎⵓⵇⵔⴰⵟⵉⵜ ⴰⴹⵎⴰⵏ ⴰⵙⵓⵍⴰⵏ ⴳ ⵓⵙⴱⴷⴷⵉ ⵏ ⵜⵔⴰⵄⴰⵢⵜ ⴷ ⵜⵉⵍⵉⵜ ⵏ ⵜⴷⵓⵙⵉ.

ⴳ ⵓⵎⵏⵉⴷ ⴰⴷ, ⴰⵔ ⵏⵥⵕⵕⴰ ⴷ ⵓⵣⴷⴰⵢ ⵏ ⵓⵎⴹⴰⴽⴰⵕ ⵏⵏⵖ ⴷ ⵓⵚⴽⵓ ⴼ ⵜⵎⵙⴽⵔⵜ ⵏⵏⵖ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵎⴰⵙ ⵔⴰⴷ ⵉⵡⵙⵏⵜ ⵜⵙⵓⵎⵔⵉⵏ ⴰⴷ ⴳ ⵓⵙⵎⴰⵢⵏⵓ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⵔⵙⵍⴰⵏⵜ ⵍⵍⵉ ⵔⴰⴷ ⵢⴰⵡⵙ ⵉ ⵉⵡⴷⴰⵏ ⴰⴷ ⴳⵉⵙ ⴳⵉⵏ ⵜⴰⵎⵢⵉⵎⴰⵏⵜ.

ⵜⴰⵎⵣⵡⴰⵔⵓⵜ, ⴰⴷ ⴱⴷⴷⵏ ⵉⴱⵕⵍⴰⵎⴰⵏⵏ, ⴷ ⵜⵙⵎⵉⴳⵍⵜ ⵏⵏⵙⵏ ⵜⴰⵙⵉⵍⴰⵏⵜ ⵉⴳⴰⵏ ⴰⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ, ⴼ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵣⵣⵔⴰⵢ ⵏ ⵉⴷⵔⵉⵣⵏ ⵏⵏⵙ ⴼ ⵜⵓⴷⵔⵜ ⵏ ⵉⵡⴷⴰⵏ, ⴷ ⵓⵙⴷⵓⵙ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵍⵍⵉ ⵜⵙⵎⴰⵜⵔ ⵜⴰⵎⵓⵏⵜ ⴰⴷ ⵏⵏⵖ ⴰⴽⴷ ⵜⵉⵎⵔⵙⴰⵍ ⵢⴰⴹⵏⵉⵏ ⵜⵉⴳⵜⵉⵔⴰⵏⵉⵏ.

ⵜⵉⵙ ⵙⵏⴰⵜ, ⴰⴷ ⵏⵏⵙⴷⵓⵙ ⴰⴱⵕⵍⴰⵎⴰⵏ ⵏ ⵡⴰⴷⴰⵙ ⵉⵏⵢⴰⵍⴽⴰⵎⵏ ⴷ ⵉⵏⵎⵓⵔⴰⵏ ⴷ ⵜⵏⵓⵎⵔⴰⵜⵉⵏ ⴷ ⵉⵅⵎⵎⵉⵎⵏ ⵏⵏⵙⵏ.

ⵜⵉⵙ ⴽⵕⴰⴹⵜ, ⴰⵙⴷⵓⵙ ⵏ ⵜⵉⵍⴰⵍ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴳⴰⵏⵉⵏ ⵉⵎⴰⵙⵙⵏ ⵏ ⵓⵔⴳⴳⵉⴳ  ⴷ ⵓⵙⴷⵓⵙ ⵏ ⵜⵡⵉⵙⵉ ⴳ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ.

ⵜⵉⵙ ⴽⴽⵓⵥⵜ, ⴰⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴷ ⵜⵏⵎⵓⵔⵉⵜ ⴷ ⵓⵙⵏⴰⵍ ⵏ ⵜⵉⵍⴰⵍ ⵏ ⵡⴰⵎⵓⵏ ⴰⵖⵔⵎⴰⵏ, ⴳ ⵓⵙⵓⵊⴷ ⵏ ⵜⵙⵏⵜⴰⵢⵉⵏ ⵜⵉⵏⵎⵓⵔⴰⵢⵉⵏ ⴷ ⵓⵙⵓⵎⵔ ⵏ ⵉⵣⵣⵔⴰⴼⵏ, ⴷ ⵓⵙⵎⵏⵉⴷ ⵏ ⵜⵓⵍⴽⵉⵎⵉⵏ ⵉ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⴰⵏⵉⵏ, ⴳⴰⵏ ⵉⵎⵉⵙⵙ ⵏ ⵜⵉⴹⴰⴼ ⵏ ⵜⵎⵓⴽⵔⵉⵙⵉⵏ ⴷ ⵜⵎⵙⴰⵔⵉⵏ ⵏ ⵡⴰⵎⵓⵏ.

ⵜⵉⵙ ⵙⵎⵎⵓⵙⵜ, ⴰⵙⵎⵖⵔ ⵏ ⵓⵎⴹⴰⴽⴰⵕ ⴰⴳⴷⵓⴷⴰⵏ ⵉⵕⵡⴰⵏ, ⵜⴰⵙⵔⵜⵉⵜ ⴷ ⵓⵙⵡⵉⵏⴳⵎ, ⴰⵜⵉⴳⵏ ⵉⴷⵉⵎⵓⵇⵔⴰⵟⵉⵢⵏ, ⴰⵙⵎⵔⵙ ⵏ ⵜⴻⵜⵉⴽⵏⵓⵍⵉⵊⵉⵏ ⵜⵉⵎⴰⵢⵏⵓⵜⵉⵏ ⴷ ⵉⵥⵟⵡⴰⵏ ⵏ ⵓⵎⵢⴰⵡⴰⴹ, ⵙ ⵜⵖⴰⵔⴰⵙⵜ ⵉⵥⵉⵍⵏ ⵉ ⵓⵚⴽⵓ ⵏ ⵡⴰⵜⵉⴳⵏ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵎⵏⵏⴰⵡⵜ ⴷ ⵓⵔⴳⴳⵉⴳ ⴷ ⵓⵏⵏⵓⵕⵥⵎ.

ⵜⵉⵙ ⵚⴹⵉⵚⵜ, ⵉⵇⵇⴰⵏ ⴷ ⴰⴷ ⴰⵡⵙⵏ ⵉⴱⵕⵍⴰⵎⴰⵏⵏ ⴳ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵎⴰⴷⵔⴰⵡⵜ ⵜⴰⴷⵉⵎⵓⵇⴰⵕⵜⵉⵜ, ⵜⴰⵎⴰ ⵏ ⵜⵓⵡⵊⴰ ⴷ ⵓⵙⵏⵖⵎⵙ ⴷ ⵜⵉⵏⵎⵍ ⴷ ⵜⵙⴷⴰⵡⵉⵜ ⴷ ⵓⵙⴰⵢⵔⵓⵔ ⴰⵎⴰⵜⴰⵢ.

ⵎⴰⵙⵙ ⴰⵏⵙⵙⵉⵅⴼ

ⵜⵉⵏⴳⴳⵯⴰⴷ ⵉⵏⴳⴳⵯⴰ

ⵜⴰⴷⵉⵎⵓⵇⵔⴰⵟⵉⵜ ⴰⵙⵙ ⴰⴷ ⵍⵍⴰⵏ ⴼⵍⵍⴰⵙ ⵉⴷⵔⵉⵣⵏ ⵏⵏⵙ, ⵜⴻⵟⵟⵉⴼ ⵡⵉⵏⵏⵙ ⴼ ⴽⵉⴳⴰⵏ ⵏ ⵜⵎⵙⴰⵔ ⴳⴰⵏⵉⵏ ⵉⴷⵔⵉⵣⵏ ⴼ ⵜⵙⵜⵔⴰⵜⵉⵊⵉⵢⵉⵏ ⵜⵉⴳⵔⴰⵖⵍⴰⵉⵏ ⴰⵎ ⵉⵣⵡⴰⴳⵏ  ⴷ ⵉⵙⵏⴼⵍⵏ ⵏ ⵓⵏⵣⵡⵉ. ⵉⵇⵇⴰⵏ ⴰⵖⴷ ⴷ ⵉⴱⵕⵍⴰⵎⴰⵏⵉⵢⵏ ⴰⴷ ⵏⵙⴱⴷⴷ ⵉⵥⵓⵕⴰⵏ ⵏ ⵜⵎⵓⴽⵔⵉⵙⵉⵏ ⴰⴷ ⵜⵉⴳⵔⴰⵖⵍⴰⵏⵉⵏ ⴷ ⵜⴽⵔⴽⴰⵙ ⵍⵍⵉ ⴼⵍⵍⴰⵙⵏ ⵜⵜⴻⵣⵓⵣⵣⵔⵏⵉⵏ.

ⴳ ⵓⵎⵏⵉⴷ ⵢⴰⴹⵏⵉⵏ, ⵉⵇⵇⴰⵏ ⴰⵖ ⴰⴷ ⴰⴷ ⵓⵔ ⵏⵜⵜⵓ ⵜⴰⵣⴷⴰⵢⵜ ⵉⵍⵍⵏ ⵊⴰⵔ ⵜⴷⵉⵎⵓⵇⵔⴰⵟⵉⵜ ⴷ ⵜⴳⵎⵉ, ⴷ ⵓⵙⴱⴷⴷⵉ ⵏ ⵓⵥⵍⴰⴹ. ⵉⵏⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ ⵔⴰⵏ ⵜⴰⴷⵉⵎⵓⵇⵔⴰⵟⵉⵜ ⴷ ⵜⵎⵔⵙⴰⵍ ⵏ ⵜⴳⵯⵏⵙⴰⵙⵜ, ⵉⵇⵇⴰⵏ ⴷ ⵓⵍⴰ ⴰⴷ ⵉⵍⵉⵏ ⵉⵎⴰⵙⵙⵏ ⵉⵎⴰⵢⵏⵓⵜⵏ ⵏ ⵜⵡⵉⵙⵉ ⵜⴰⴳⵔⴰⵖⵍⴰⵏⵜ ⵉ ⵜⴳⵎⵉ ⴷ ⵓⵙⵎⴰⵜⵜⵉ ⵏ ⵉⴷⴳⴰⵔⵏ ⴷ ⵜⴻⵜⵉⴽⵏⵓⵍⵉⵊⵉⵢⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵉⵏ ⵓⴷⵡⴰⵙ ⵙⴳ ⵉⵥⵥⵍⵎⴹ ⴰⵔ ⵉⴼⴼⵓⵙ. ⵜⴰⵎⴰ ⵏ ⵓⵙⵎⴰⴹⵍ ⵏ ⵜⴷⵎⵙⴰ ⴷ ⵜⵡⵉⵏⴳⵎⵜ ⵜⴰⴷⵉⵎⵓⵇⵔⴰⵟⵉⵜ, ⵉⵇⵇⴰⵏ ⴷ ⵓⴷⵔⴰⵡ ⵏ ⵜⵢⵢⴰⴼⵓⵜⵉⵏ ⴷ ⵜⵣⵣⵉⴳⵣⵜ ⵜⴰⵜⵉⴽⵏⵓⵍⵓⵊⵉⵜ ⴷ ⵜⵓⵙⵙⵏⴰ.

ⵓⵔ ⵏⵥⴹⴰⵕ ⴰⴷ ⵏⵍⴽⵎ ⴰⵡⵜⵜⴰⵙ ⴰⵏⵏ, ⵉⵖ ⵓⵔ ⵉⵍⵍⴰ ⵓⵔⴳⴳⵉⴳ ⴷ ⵓⵡⵇⵇⵕ ⵏ ⵜⵏⵏⵓⴱⴹⴰ ⵏ ⵉⵡⴰⵏⴽⵏ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵜⵎⵢⵓⵔⵉⵔⵏ ⵜⵉⵙⵔⵜⴰⵏⵉⵏ ⵜⵉⴷⵉⵎⵓⵇⵔⴰⵟⵉⵢⵉⵏ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ.