ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵓⴳⵔⴰⵡ 14 ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴷ ⵜⴰⵢⵢⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⵏⴽⵓⴼⵓⵏⵉⵜ, ⴰⴱⵉⴷⵊⴰⵏ
ⵉⴷⵔⵓ ⵓⴽⴰⴱⴰⵕ ⴰⵎⵖⵔⵉⴱⵉ ⴳ ⵓⴳⵔⴰⵡ ⵡⵉⵙ 14 ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴷ ⵜⴰⵢⵢⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴰⵙⵙ ⵏ ⵏ ⵡⴰⵢⵏⴰⵙ ⴳ ⴰⴱⵉⴷⵊⴰⵏ ⴳ ⵍⴽⵓⵜⴷⵓⴼⵡⴰⵕ.
ⵉⵙⵙⵉⵅⴼ ⴰⴽⴰⴱⴰⵕ ⴰⴷ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵢⵉⵍⵉ ⴳⵉⵙ ⴰⵎⴰⵔⵉ ⵎⵓⵃⴰⵎⵎⴰⴷ ⵖⵉⵢⵢⴰⵜ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴰⵎⴰⵔⵉ ⵍⵃⵓⵙⴰⵢⵏ ⵓⵄⵍⴰⵍ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵜⴰⵎⴰⵔⵉⵜ ⵍⴰⵟⵉⴼⴰ ⵍⴱⵍⵉⵃ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⵙⴳ ⵜⵥⵖⵔⵜ ⴷ ⵜⵎⴰⵜⵔⴰⵔⵜ, ⴰⵎⴰⵔⵉ ⵛⴰⴼⵉⵇ ⵀⴰⵛⵉⵎ ⴰⵎⵉⵏ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ.
ⵔⴰⴷ ⵢⵉⵍⵉ ⵓⵎⵓⵙⵙ ⴰⴷ ⵓⵙⵙⴰⵏ ⵏ 3 ⴷ 4 ⵉⴱⵔⵉⵔ, ⵉⴳⴰ ⵜⴰⵎⵍⴷⴰ ⵏ ⵉⴳⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⵉ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⴷ ⵓⵙⵎⵓⵙⵙⵓ ⵏ ⵜⵓⴳⴳⵯⴰⵙ ⵏ ⵉⴱⵕⵍⴰⵎⴰⵏⵏ ⴳ ⵓⵙⴰⵢⵔⵓⵔ ⴰⴼⵕⴰⵏⴽⵓⴼⵓⵏⵉ.
ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴳ ⵓⴳⵔⴰⵡ ⵡⵉⵙ 14 ⵅⴼ ⵜⵎⵙⴰⵔⵉⵏ ⴰⵎ ⴰⵙⵓⵔⵙ ⴰⵙⵔⵜⴰⵏ ⴷ ⵓⵏⴰⵎⵓⵏ ⴳ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵙⴰⵡⴰⵍⵏⵉⵏ ⵜⴰⴼⵕⴰⵏⵚⵉⵚⵜ ⴷ ⵜⴰⵙⵙⴰⵙⵉⵏ ⵜⵉⵙⵔⵜⴰⵏⵉⵏ ⴳ ⵜⵉⵎⵉⵣⴰⵔ ⵏ ⴱⵓⵔⴽⵉⵏⴰⴼⴰⵚⵓ ⴷ ⵖⵉⵏⵢⴰ ⴷ ⵎⴰⵍⵉ ⴷ ⵜⵛⴰⴷ ⴷ ⵜⵓⵏⵙ.
ⵔⴰⴷ ⵢⵉⵍⵉ ⵓⵎⴹⴰⴽⴰⵔ ⵓⵍⴰ ⴼ ⵜⵏⴰⵥⴰⵕⵉⵏ ⵏ ⵜⵏⵏⵓⴱⴹⴰ ⵜⴰⴷⵉⵎⵓⵇⵔⴰⵟⵉⵜ ⴷ ⵜⵏⴼⵔⵓⵜ ⴳ ⵉⵡⴰⵏⴽⵏ ⵉⴼⵔⵉⵇⵉⵢⵏ ⵙⴰⵡⴰⵍⵏⵉⵏ ⵜⴰⴼⵕⴰⵏⵚⵉⵚⵜ, ⵜⴰⵏⴼⵔⵓⵜ ⵏ ⵓⵜⵛⵓ ⴳ ⵓⵙⴱⴷⴷⵉ ⵏ ⵜⴰⵙⵙⴰⵙⵉⵏ ⵜⵉⵙⵔⵜⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ, ⴰⴼⵔⴰⴳ ⵏ ⵉⵏⴳⵔⴰⵡⵏ ⵉⴽⵓⵍⵓⵊⵉⵢⵏ ⵏ ⵜⴳⴰⵏⵉⵏ ⴼⴷ ⵓⵙⴱⴷⴷⵉ ⵏ ⵓⵙⵏⵣⵔⴼ ⴳ ⵉⴼⵔⵉⵇⵢⴰ: ⵉⵙⵎⴰⵇⵇⵍⵏ ⵅⴼ ⵜⵉⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵙⵏⵜⴰⵢ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵜⵎⵔⴰⵡⵜ ⵉⴳⴳⵓⵔⴰⵏ.
ⵢⵓⵎⴰ ⵓⵖⴰⵡⴰⵙ ⵏ ⵜⵡⵡⵓⵔⵉ ⵓⵍⴰ ⵉⵙⵓⴳⴰⵎ ⵣⴷⵉⵏⵉ ⴷ ⵜⵙⵎⵉⴳⴰⵍ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ ⵓⵣⵣⵔⴰⵢ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴷ ⵓⵙⵎⵏⵉⴷ ⵏ ⵜⵡⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵜⴰⵎⵏⵜⴰⵢⵜ ⵙ ⵓⵙⴽⵔ ⵏ ⵓⴼⵏⵉⵇ ⵏ ⵜⵡⵉⵣⵉ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ ⵜⵙⴳⴰ ⵏ ⵉⴼⵔⵉⵇⵢⴰ.
ⵔⴰⴷ ⵉⵎⴹⴰⴽⴰⵕ ⵓⴳⵔⴰⵡ ⵓⵍⴰ ⴼ ⵜⴰⴱⴱⴰⵢⵜ ⵉⴳⴳⵓⵜⵏ ⵏ ⴽⵔⴰ ⵏ ⵜⴰⵢⵢⴰⵡⵉⵏ ⵜⵉⴼⵔⵉⵇⵢⵉⵏ ⴳ ⵜⴳⵔⴰⵡⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⵔⴰⴷ ⵉⵙⵔⵙ ⵓⵍⴰ ⴰⴷⵖⴰⵔ ⴷ ⵡⴰⴽⵓⴷ ⵏ ⵓⴳⵔⴰⵡ ⵡⵉⵙ ⵙⵎⵎⵓⵙ ⴷ ⵔⴰⵡ.
ⴳ ⵜⴳⵉⵔⴰ ⵏ ⵓⴳⵔⴰⵡ, ⵔⴰⴷ ⵢⵉⵍⵉ ⵓⵙⵖⵣⵏ ⵏ ⵓⵙⵉⵡⴹ ⵏⵏⵙ ⴰⵎⴳⴳⴰⵔⵓ, ⵔⴰⴷ ⵉⵎⴹⴽⴰⵕ ⵓⴽⴰⴱⴰⵕ ⴰⵎⵖⵔⵉⴱⵉ ⴷ ⵉⴽⴰⴱⴰⵕⵏ ⵢⴰⴹⵏⵉⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ.