ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵏⵎⵓⵇⵇⴰⵔⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴷ ⵉⴽⴰⴱⴰⵕⵏ ⵏ ⵓⴳⵔⴰⵡ ⵡⵉⵙ 11 ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ
ⵙ ⵜⵎⵍⴷⴰ ⵏ ⵓⴷⵔⴰⵡ ⵏⵏⵙ ⴳ ⵓⴳⵔⴰⵡ ⵡⵉⵙ ⵢⴰⵏ ⴷ ⵎⵔⴰⵡ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⵉⵍⵍⴰⵏ ⴳ 1 ⴷ 2 ⵛⵓⵜⴰⵏⴱⵉⵔ ⴳ ⵎⵉⴷⵔⴰⵏⴷ ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ, ⵉⵙⴽⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵏⵎⵓⵇⵇⴰⵔⵏ ⴰⴽⴷ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵏ ⵎⵉⵚⵕ ⴷ ⵍⴽⵓⵏⴳⵓ ⴷ ⵍⴳⴰⴱⵓⵏ, ⴼ ⵜⵎⵙⴰⵔⵉⵏ ⵏ ⵓⵎⴰⵥⵓⵏ ⴳ ⵓⵎⵏⵉⴷ ⴰⴱⵕⵍⴰⵎⴰⵏⵉ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵣⴷⴰⵢ ⵉⵜⵜⵓⵙⵏⴼⴰⵍⵏ ⵏ ⵜⵉⵔⵎⵉⵜⵉⵏ ⴳ ⵓⵡⵇⵇⵔ ⵏ ⵜⵏⵏⵓⴱⴹⴰ ⵏ ⵉⵡⴰⵏⴽⵏ ⵏ ⵏ ⵓⵎⵏⵥⴰⵡ ⵏ ⵉⴼⵔⵉⵇⴰⵢ ⴷ ⵜⵢⴰⵏⵜ ⵏⵏⵙⵏ ⵜⴰⵏⴰⴽⴰⵍⵜ.
ⵖⵎⴽ ⵍⵍⵉ ⵉⵎⴹⴰⴽⴰⵕ ⵓⵏⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵎⴰⵙⵙ ⴼⵓⵔⵜⵛⵢⵓⵏ ⵛⴰⵔⵓⵎⴱⵉⵔⴰ, ⴼ ⵜⵉⵍⴰⵍⵜ ⵏ ⵜⵎⵔⵙⵍⵜ ⵜⴰⴼⵔⵉⵇⵉⵜ ⵉⵡⵙⴽⵔ ⵏ ⵜⵎⴰⵜⴰⵔⵜ ⵏ “ⵉⴼⵔⵉⵇⵢⴰ ⵉⵎⵓⵏⵏ” , ⴷ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵎⵓⴽⵔⵉⵙⵉⵏ ⵏ ⵓⵜⵛⵓ ⴷ ⵓⴷⵡⴰⵙ ⴷ ⵜⴷⵎⵙⴰ ⵓⵙⵡⵓⴷⴷⵓ ⵏ ⵓⵙⵓⵔⵙ ⴷⴼⴼⵉⵔ ⵏ ⴽⵓⴼⵉⴷ 19. ⵉⵙⴰⵡⵍ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴷ ⵓⵎⵎⵉⵥⵏ ⵏⵏⵙ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉⵕⵡⴰⵏ ⴷ ⵓⵙⵎⵔⵙⵍ ⵏⵏⵙ ⴳ ⵓⵎⵏⵉⴷ ⴰⴷ.