ⵜⴰⴳⵓⵔⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵉⵛⵛⴰⵔⵏ ⵏ ⵜⵙⵇⵇⵉⵎⵉⵏ ⵏ ⵜⴷⵔⵉⵎⵜ ⴳ ⵓⴱⵕⵍⴰⵎⴰⵏ ⴼ ⵓⴼⵏⵉⵇ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵉⴷⵔⵉⵣⵏ ⵏ ⵓⵎⴷⵓⴷⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, 11 /09/2023

ⵙ ⵡⴰⵙⵙⴰⵖ ⵏ  ⵏ ⵕⴱⴱⵉ ⴰⵎⴰⵍⵍⴰⵢ ⴰⵎⵙⵎⵓⵍⵍⵓ, ⵜⴰⵥⴰⵍⵍⵉⵜ ⵏ ⵕⴱⴱⵉ ⴼ ⵓⵕⵇⵇⴰⵚ ⵏⵏⵙ

ⵎⴰⵙⵙ ⴰⵏⵙⵙⵉⵅ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ;

ⵎⴰⵙⵙ ⴰⵎⴰⵡⵙⴰⵙ;

ⵎⴰⵙⵙ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ;

ⵎⴰⵙⵙ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵙⴳⴰⵡⴰⵏⵜ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴱⵕⵍⴰⵎⴰⵏⵉⵢⵏ.

                                                                       ⵉⵖ ⵓⵔⵜⴰ ⵏⵙⵙⵏⵜⵉ, ⴰⵔ ⴰⵡⵏ ⴰⵇⵔⴰⵖ, ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⴰⴷ ⵏⵖⵔ ⵜⴰⴳⵟⵟⵓⵎⵜ ⵏ ⵜⵙⵓⴷⴰⴼⵜ, ⵜⴰⵎⵍⵍⴰ ⵏ ⵓⵏⴳⵉⵙⵏ ⵏ ⵓⵎⴷⵓⴷⵉ ⵉⵍⵍⴰⵏ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⵏ ⵜⵎⴰⵣⵉⵔⵜ ⵏⵏⵖ.

ⵜⵉⵖⵔⵉ ⵏ ⵜⵙⴰⴷⵓⴼⵜ

ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵏ 70  ⵏ ⵓⴷⵓⵙⵜⵓⵔ ⴷ ⵓⵎⵏⵏⵉ 26 ⵏ ⵓⵙⵍⴳⵏ ⴰⵎⴰⴷⴷⴰⵙ ⵏ ⵓⵙⵍⴳⵏ ⵏ ⵓⵥⵕⴼ, ⵜⵍⵍⴰ ⵜⵙⵎⵓⵏⵉ ⴰⴷ ⵉⵛⵛⴰⵔⵏ ⵏ ⵓⵜⵙⵇⵇⵉⵎⵉⵏ ⵏ ⵜⴷⵔⵉⵎⵜ ⴳ ⵓⴱⵕⵍⴰⵎⴰⵏ ⵃⵎⴰ ⴰⴷ ⵏⵙⵖⵎⵙ ⴼ ⵓⵙⴽⵔ ⵏ ⵓⴼⵏⵉⵇ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵉⴷⵔⵉⵣⵏ ⵏ ⵓⵎⴷⵓⴷⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱⵏ ⵉ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ ⵉⵏⵚⵕ ⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, ⵜⵍⵍⴰ ⵜⵙⵎⵓⵏⵉ ⴰⴷ ⴳ ⵓⵎⵏⴰⴹ ⴰⵏⴰⵎⵓⵔ ⵏ ⵓⵖⵉⵍⵓⴼ ⵉⵍⵍⴰⵏ ⴳ ⵜⵎⴰⵣⵉⵔⵜ ⵏⵏⵖ ⴷⴼⴼⵉⵔ ⵏ ⵓⵎⴷⵓⴷⵉ ⵍⵍⵉ ⴷ ⵉⴼⵍⵏ ⵜⵓⴳⵜ ⵏ ⵓⵏⴳⵉⵙⵏ ⴳ ⵉⵏⵎⵓⵔⴰⵏ ⵉⴼⵍ ⴷ ⵉⵎⵕⵎⴰⵥ ⴳ ⵉⵎⴰⵏⵏ ⴷ ⵜⵓⵚⴽⵉⵡⵉⵏ ⴷ ⵡⴰⵢⴷⴰ. ⵜⵉⵣⵉ ⵏ ⵓⵖⵉⵍⵓⴼ ⵖ ⵏⵙⵎⵏⵉⴷ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⴷⵓⵏ ⵏ ⵉⵎⵓⵎⵎⵏ ⵎⵓⵃⴰⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⴼⵛⴰⴷ ⵏⵏⵖ ⵉ ⵜⴰⵡⵊⵉⵡⵉⵏ ⵏ ⵓⵏⴳⵉⵙⵏ, ⴷ ⵓⵎⵢⴰⵡⴰⵙ ⵏⵏⵖ ⴰⴽⴷ ⴷⵉⵙⵏ ⴳ ⵜⴰⵙⵙⴰⵙⵜ ⵏⵏⵙⵏ.

ⵜⵥⴹⴰⵕ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜⵙⴽⵔ ⵜⴰⵏⴰⵔⴰ ⴳ ⵓⵣⵎⵣ ⵉⵛⴷⴷⴰⵏ. ⵓⴷⵎⴰⵡⵏ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ ⴰⵏⴰⵎⵓⵔ ⴳⴰⵏ ⵜⴰⴷⵓⵙⵉ ⵏ ⵉⵎⴰⵏ ⵉⵙⵙⵎⵖⵔⵏ ⵉⵙⵢⴰⴼⴰⵜⵏ ⵏ ⵜⵉⵍⵉⵜ ⴳ ⵡⴰⵎⵓⵔ ⴰⴷ ⵉⵄⵣⵣⴰⵏ, ⴰⵙⵢⴰⴼⴰ ⵉⴷⵔⴰⵏ ⴷ ⵉⵖⵣⴰⵏⵏ, ⵖ ⵉⴼⵔⴽ ⴽⵓⵢⴰⵏ ⵎⴰⵙ ⵉⴳⴰ ⵡⴰⵎⵓⵔ ⵏⵏⵙ ⴰⴼⵔⴰⴳ ⵏⵏⵙ ⴷ ⵓⴷⴷⵓⵔ ⵏⵏⵙ, ⴰⵙⵢⴰⴼⴰ ⵉⵙⵙⴷⵓⵙⵏ  ⴽⵓⵢⴰⵏ ⴷⴰⵜ ⵏ ⵜⴰⵙⵙⴰⵙⵉⵏ ⴷ ⵜⵎⵓⴽⵔⵉⵙⵉⵏ.

ⵙⴳ ⴰⵣⵎⵣ ⴰⵎⵣⵡⴰⵔⵓ ⵏ ⵜⴰⵙⵙⴰⵙⵜ ⴰⴷ, ⵏⴷⴷⵔ ⴰⴳⵓⴷⵉ ⵏ ⵜⵡⵉⵣⵉ ⵉⵖⵣⴰⵏ ⵏ ⵡⴰⵎⵓⵏ ⵏⵏⵖ, ⵖⵎⴽ ⴰⵏⵏ ⵓⵍⴰ ⴽⵉⴳⴰⵏ ⵏ ⵉⵡⴰⵏⴽⵏ ⵉⵎⴷⴷⵓⴽⴽⵯⴰⵍ ⵉ ⵓⵙⵎⵏⵉⴷ ⵏ ⵓⵙⵏⴰⵍ.

ⴰⵙⵎⵓⵙⵙⵓ ⵉⴷⵔⵓⵙⵏ ⵉⵎⵎⴰⵍⴰⵏ ⴰⴷⵖⴰⵔ ⵏ ⵍⵖⵎⵔⵉⴱ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ ⴷⴰⵔ ⵜⵎⵜⵜⵉⵡⵉⵏ ⴷ ⵉⵎⴰⴷⴰⵏⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵖⵎⴽ ⵍⵍⵉ ⵉⵎⵢⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵓⵣⴷⴰⵢ ⵏ ⵜⵡⵡⵓⵔⵉⵔⵡⵉⵏ ⴷ ⵜⵙⵏⵜⴰⵢⵉⵏ ⵏⵏⵙⵏ, ⵔⴰⴷ ⵏⵙⵡⵓⵔⵉ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵙ ⵜⵡⵡⵓⵔⵉ ⵉⵛⵛⴰⵔⵏ ⴳ ⵓⵙⴰⵜⵉ ⵏ ⵜⵡⵉⵣⵉ ⵏ ⵉⴷⵔⵉⵎⵏ ⴷ ⵓⵙⴰⵜⵉ ⵏ ⵜⵎⵥⵍⴰⵢ ⵜⵉⴷⵙⵜⴰⵔⵉⵏ ⵏ ⵉⵙⵇⵇⵉⵎⵏ, ⵃⵎⴰ ⴰⴷ ⵜⴳ ⵜⴰⵡⵡⵓⵔⵉ ⵏⵏⵖ ⵉⵛⵛⴰⵔⵏ ⴰⵙⵏⴰⵍ ⵉ ⵜⵎⴰⵣⵉⵔⵜ ⴷ ⵉⵏⵎⵓⵔⴰⵏ ⵏⵏⵖ ⵄⵣⵣⴰⵏⵉⵏ ⴳⴰⵏⵉⵏ ⵓⵏⴳⵉⵙⵏ ⵏ ⵜⴰⵙⵙⴰⵙⵜ ⴰⴷ ⵏ ⵓⴳⴰⵎⴰ.

ⴰⵔ ⵙⵎⴷⵖ ⵙ ⵡⴰⵡⴰⵍ ⴰⴷ ⵏ ⵕⴱⴱⵉ, “ⵖⵡⵉⵍⵍⵉ ⵙⴰⴷⴷ ⵉⵖ ⵜⵓⵜ ⵜⵡⴰⵖⵉⵜ ⵏⵏⴰⵏ: ⵏⴽⴽⵏⵉ ⵏⴳⴰ ⵡⵉⵏ ⵕⴱⴱⵉ ⴷ ⴷⴰⵔⵙ ⴰⵏⵏ ⵏⵔⴰ, ⵖⵡⵉⵏⵏ ⴷⴰⵔⵙⵏ ⴰⵙⴰⵔⵓⴼ, ⵣⵖ ⴷⴰⵔ ⵕⴱⴱⵉ ⵏⵏⵙⵏ, ⴷ ⵜⵎⵍⵍⴰ ⴷ ⵖⵡⵉⵏⵏ ⵏⵜⵜⵏⵉ ⴰⵢⴳⴰⵏ ⵉⵎⵙⵙⵓⵖⴰⵍ”. ⵉⵖⵥⴰⵏ ⵕⴱⴱⵉ.

ⵜⴰⴳⵓⵔⵉ ⵉ ⵎⴰⵙⵙ ⴰⵎⴰⵡⵙⴰⵙ