ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⴷⵔⵓ ⵍⵎⵖⵔⵉⴱ ⴳ ⵓⴳⵔⴰⵡ ⵡⵉⵙ 11 ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⴷ ⵉⵏⵎⵏⴰⴹⵏ ⵉⴼⵔⵉⵇⵉⵢⵏ ⴳ ⵊⵓⵀⴰⵏⵙⴱⵓⵔⴳ
ⵉⴷⵔⵓ ⵍⵎⵖⵔⵉⴱ ⴳ ⵓⴳⵔⴰⵡ ⵡⵉⵙ 11 ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⴷ ⵉⵏⵎⵏⴰⴹⵏ ⵉⴼⵔⵉⵇⵉⵢⵏ ⴳ ⵊⵓⵀⴰⵏⵙⴱⵓⵔⴳ, ⵓⵙⵙⴰⵏ ⵏ 1 ⴷ 2 ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⵏ ⵎⴰⵕⵕⴰ ⵉⴼⵔⵉⵇⵢⴰ ⴳ ⵎⵉⴷⵔⴰⵏⴷ ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ.
ⵉⴷⵔⵓ ⵙ ⵉⵙⵉⵎ ⵏ ⵜⴳⵎⴷⵉⵜ ⵏ ⵍⵎⵖⵔⵉⴱ, ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵉⵎ ⵏ ⵉⵎⵓⵔⴰ, ⴳ ⵓⴳⵔⴰⵡ ⴰⴷ ⵉⵎⵓⵏⵏ ⴷ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⵏ ⵓⴱⵕⵍⴰⵎⴰⵏ ⵏ ⵎⴰⵕⵕⴰ ⵉⴼⵔⵉⵇⵢⴰ.
ⵉⵏⵏⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⴷⵔⵓ ⵍⵎⵖⵔⵉⴱ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵓⴳⵔⴰⵡ ⴰⴷ ⴰⴼⵔⵉⵇⵉ, ⵍⵍⵉ ⵉⴳⴰⵏ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵏ ⵉⵙⵏⵜⵍⵏ ⵀⵎⵎⴰⵏⵉⵏ ⵉⴼⵔⵉⵇⵢⴰ ⴰⵎ ⵜⴰⵏⴼⵔⵓⵜ ⵏ ⵓⵜⵛⵓ, ⵜⴰⵖⵓⵔⵉ, ⵉⴷⵔⵉⵣⵏ ⵏ ⵜⴰⵙⵙⴰⵙⵜ ⵜⴰⴷⵓⵙⴰⵏⵜ ⵏ ⴽⵓⴼⵉⴷ 19.
ⵢⵉⵏⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⵟⵟⴰⴼ ⵍⵎⵖⵔⵉⴱ ⵜⵉⵔⵎⵉⵜ ⵢⴰⵅⴰⵜⴰⵔⵜ ⴳ ⵓⵙⵎⴰⴽⵍ ⵏ ⵜⵎⵓⴽⵔⵉⵙⵉⵏ ⴰⴷ, ⵢⵉⵔ ⴰⴷ ⵜⵜ ⵉⴷⵔⵓ ⴰⴽⴷ ⵜⵉⵎⵉⵣⴰⵔ ⵢⴰⴹⵏⵉⵏ ⵏ ⵉⴼⵔⵉⵇⵢⴰ ⴳ ⵓⵎⵓⵙⵙⵓ ⴰⴷ ⵉⴳⴰⵏ ⴰⵙⴰⵢⵔⵓⵔ ⵏ ⵓⵎⴹⴰⴽⴰⵕ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴰⴽⴷ ⵉⴱⵕⵍⴰⵎⴰⵏⵉⵢⵏ ⵉⴼⵔⵉⵇⵉⵢⵏ.
ⵢⵉⵛⴽ ⴰⴷ ⴳ ⵓⵙⵉⵡⴹ ⴱ ⵓⴱⵕⵍⴰⵎⴰⵏ ⵏ ⵎⴰⵕⵕⴰ ⵏ ⵉⴼⵔⵉⵇⵢⴰ ⵎⴰⵙ ⵉⵍⵍⴰ ⵓⴳⵔⴰⵡ ⵡⵉⵙ 11 ⴷ ⵜⵙⵓⵜⵍⵜ ⵜⵉⵙ ⵙⴹⵉⵚⵜ ⵏ ⵓⴱⵕⵍⴰⵎⵏ ⴼ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ 2022 ⴼ “ⵓⵙⴷⵓⵙ ⵏ ⵜⵏⴼⵔⵓⵜ ⵏ ⵓⵜⵛⵓ ⵉ ⵓⵣⵓⵛⵛⵍ ⵏ ⵜⴳⵎⵉ ⵜⴰⵏⴼⴳⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵎⵙⴰⵏⵜ”.
ⵉⴳⴰ ⵓⴱⵕⵍⴰⵎⴰⵏ ⵏ ⵎⴰⵕⵕⴰ ⵏ ⵉⴼⵔⵉⵇⵢⴰ ⵢⴰⵜ ⵜⵎⵙⵎⵓⵏⵜ ⵜⴰⵎⵛⵡⴰⵕⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵉⵙⵎⵓⵏ ⵉⴱⵕⵍⴰⵎⴰⵏⵉⵢⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⴰⵎⵓⵏⵜ. ⵉⵜⵜⵓⵙⴽⴰⵔ ⵙ ⵓⵎⵏⵏⵉ 5 ⵏ ⵓⵎⵇⵇⵏ ⴰⵎⵙⴽⴰⵔ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⵉⵙⵙⵏⵜⵉ ⵜⴰⵡⵡⵓⵔⵉ ⵏⵏⵙ ⴰⵙ ⵏ 18 ⵎⴰⵕⵚ 2004.
ⴽⵓ ⴰⵡⴰⵏⴽ ⴰⴳⵎⴰⵎ ⵉⵍⵍⴰ ⵙ ⵙⵎⵎⵓⵙ ⵉⴱⵕⵍⴰⵎⴰⵏⵉⵢⵏ ⴳ ⵓⴱⵕⵍⴰⵎⴰⵏ ⵏ ⵎⴰⵕⵕⴰ ⵉⴼⵔⵉⵇⵢⴰ ⵙⴳ ⵜⵓⴳⵜ ⴷ ⵜⵓⵣⵍⵜ, ⵜⵍⵍⴰ ⴳⵉⵙⵏ ⵢⴰⵜ ⵜⵎⵖⴰⵔⵜ ⵙ ⵓⵙⵉⴷⵔⵓⵙ, ⴷⴰ ⵜⵜⵓⵙⵜⴰⵢⵏ ⵙⴳ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ.
ⴰⵔ ⵉⵙⴽⴰⵔ ⵓⴱⵕⵍⴰⵎⴰⵏ ⴱ ⵎⴰⵕⵕⴰ ⵉⴼⵔⵉⵇⵢⴰ ⵙⴰⵏⵜ ⵜⵙⵓⵜⵍⵜⵉⵏ ⵜⵉⵏⵎⵢⴰⵔⵉⵏ ⴳ ⵓⵙⴳⴳⵯⴰⵙ ⴳ ⵓⵙⵉⴷⵔⵓⵙ , ⴳⵉⵙ ⵎⵔⴰⵡⵜ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴼ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ ⴳ ⵉⴼⵔⵉⵇⵢⴰ.