ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴰⵏⵎⵓⵇⵇⴰⵔ ⴼ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ

ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵎⴷⵔⴰⵡⵜ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴰⵙⵙ ⵏ 23 ⵎⴰⵕⵚ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⴰⵏⵎⵓⵇⵇⴰⵔ ⴼ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⴳ ⵓⵙⴰⵜⵉ ⵏ ⵓⵙⵏⴼⴰⵔ ⵏ ⵓⵙⵏⴰⵍ ⵏ ⵓⴱⵕⵍⴰⵎⴰⵏ ⴳ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴳ ⵍⵎⵖⵔⵉⴱ 2020-2023.

ⵉⴷⵔⵓ ⴳⵉⵙ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴼ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ 2018-2021, ⵜⴰⵏⵙⵙⵉⵅⴼⵜ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴷⴰⵔ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⵉⴳⵏⵙⴰⵙⵏ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵜⵏⵙⵙⵉⵅⴼⵜ ⵏ ⵓⵙⵉⵔⴰ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ.

ⵉⵙⵎⵏⵉⴷ ⵎⴰⵙⵙ ⵃⴰⴼⵉⴹ ⵡⴰⵛⴰⴽ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴼ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ 2018-2021, ⵜⴰⴳⵓⵔⵉ ⵖ ⵉⴱⴷⴷ ⴼ ⵜⵎⵥⵍⵉⵜ ⴰⴷ ⵏ ⵓⵙⵓⵜⴳ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ 2011. ⵉⵙⴰⵡⵍ ⵓⵍⴰ ⴼ ⵡⴰⵜⵉⴳ ⵏ ⵜⵏⵓⴼⴰ ⵜⴰⴳⴷⵓⴷⴰⵏⵜ ⴳ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ ⵖⵎⴽⴰⵏ ⴷ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵏ 27 ⴱⵕⴰⵢⵕ 2018 ⵉ ⵉⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⵏⵎⵎⵓⵔ ⵏ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ.

ⵉⵙⴰⵡⵍ ⵎⴰⵙⵙ ⵙⵓⴼⵔⴰⵏ ⵙⵜⵔⵓⵀⴰⵍ, ⴰⵏⵙⵙⵉⵅⴼ ⵏ ⵜⵣⵓⵏⵉ ⵏ ⵓⵎⵢⴰⵡⴰⵙ ⴳ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵕⵕⴱⴰⵟ, ⴼ ⵜⵓⵎⴰⵢⵜ ⵏ ⵓⴷⵓⵙⵜⵓⵔ ⵉⴼⴽⴰⵏ ⵉ ⵓⴱⵕⵍⴰⵎⴰⵏ ⵜⵉⵎⵥⵍⵉⵜ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.

ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ, ⵜⵙⴰⵡⵍ ⴼ ⵜⵉⵍⴰⵍ ⵏ ⵜⵎⵙⵙⵓⴳⵓⵔⵜ ⴳ ⵓⵙⴽⵔ ⵏ ⵜⴳⵎⵉ, ⴷ ⵉⵇⵇⴰⵏ ⴷ ⴰⴷ ⵢⵉⵍⵉ ⵚⴰⵃⴰ ⴷⴳ ⵜⵉⵔⵎⵉⵜ ⵏ ⵓⵕⵓⴱⴱⴰ ⴳ ⵓⵎⵏⵉⴷ ⴰⴷ.

ⵎⴰⵙⵙⴰ ⴽⴰⵔⵎⵏ ⵎⵓⵔⵜⵉ ⴳⵓⵎⵉⵣ ⵜⴰⵏⵙⵙⵉⵅⴼⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵓⵕⴱⴱⴰ ⴳ ⵍⵎⵖⵔⵉⴱⵏ ⵜⵙⴰⵡⵍ ⴼ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴳ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵣⵔ ⴳ ⵉⵎⵉⵥ ⵏ ⵜⵎⵓⵛⴰ ⴷ ⵓⵙⵕⵚⵓ ⵏ ⵜⵎⴰⴼⴰⵡⵜ ⴷ ⵜⵏⴳⴰⴷⴷⴰⵢⵜ.

ⵉⵍⵍⴰ ⴳ ⵓⵏⵎⵓⵇⵇⴰⵔ ⴰⴷ ⵓⵎⵣⴰⵣⴰⵍ ⵏ ⵜⵉⵔⵎⵉⵜⵉⵏ ⴼ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⴼⴽⴰⵏ ⵉⵎⵓⵥⴰⵢⵏ ⵉⵎⵏⴰⴷⵏ ⵏⵏⵙⵏ ⴼ ⵜⵎⵙⴽⴰⵔ ⵜⵉⴳⵔⴰⵖⵍⴰⵏⵉⵏ ⴰⵎ ⵜⵉⵏ ⵍⴱⵓⵔⵜⵓⵖⴰⵍ ⵉⴱⴷⴷⵏ ⴼ ⵓⴱⵟⵟⵓ ⴰⵏⴰⴽⴰⵍ ⴷ ⵉⵙⵏⴼⵍⵏ ⵉⴷⵉⵎⵓⵖⵔⴰⴼⵉⵢⵏ ⴷ ⵉⵙⵔⵜⴰⵏⵏ ⴷ ⵜⴷⵔⴰⵡⵜ ⵏ ⵉⵏⵎⵓⵔⴰⵏ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⵎⵇⵇⴰⵔ ⵍⵍⴰⵏⵜ ⵜⵎⵓⴽⵔⵉⵙⵉⵏ ⵏ ⵜⵎⵙⴰⵙⵜⵍⵜ ⴷ ⵓⵙⵙⵥⵕⴼ.

ⵙⴰⵡⵍⵏ ⵉⵎⵓⵥⴰⵢⵏ ⵓⵍⴰ ⴼ ⵜⵙⵔⵜⴰⵜⵉⵊⵉⵜ ⵉⵍⵍⴰⵏ ⴷ ⵓⵎⵏⴰⴹ ⴰⵙⵔⵜⴰⵏ ⴷ ⵓⵎⵙⵙⵓⴳⵓⵔ ⵏ ⴽⵔⴰⵢⴳⴰⵜ ⴰⵡⴰⵏⴽ ⵙ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⴳ ⵜⵎⵙⵙⵓⴳⵓⵔⵜ ⵜⴰⵏⴰⴽⴰⵍⵜ ⴷ ⵜⵉⵍⵉⵜ ⵏ ⵜⴱⵔⵉⴷⵉⵏ ⵏ ⵜⵉⵕⵡⵉ ⴷ ⵜⵏⵏⵓⴱⴹⴰ.

ⵙⵎⵏⵉⴷⵏ ⵉⵎⴷⵔⴰⵡⵏ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵓⵎⵏⵉⴷ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴱⴷⴷⵏ ⴼ ⵜⵉⵔⵎⵉⵜ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⵔⴰⵢ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ 2018-2021 ⵍⵍⵉ ⵉⵔⵓⵔⵏ ⵉ ⵢⴰⵜ ⵜⵓⵜⵔⴰ ⵜⴰⵖⴰⵡⵍⴰⵏⵜ ⵙ ⵉⵙⵏⴼⵍⵏ ⵉⵎⵓⵟⵟⵓⵏⵏ ⵍⵍⴰⵏⵉⵏ ⴳ ⵓⵎⴰⴹⴰⵍ ⴷⴼⴼⵉⵔ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ, ⵃⵎⴰ ⴰⴷ ⵢⵉⵍⵉ ⵓⵙⵎⵖⵔ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ.

ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵉⵔⵎⵉⵜⵉⵏ ⵜⵉⵏⴰⵎⵓⵔⵉⵏ ⴳ ⵓⵎⵏⵉⴷ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⴳ ⵎⴰⴷ ⵉⵥⵍⵉⵏ ⴷ ⵜⴰⵔⵏⴰⵎⵎⴰⵙⵜ ⵜⴰⵎⵙⵙⵓⴳⵓⵔⵜ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵜⵖⴰⵔⵉⵡⵉⵏ ⴳ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ.

ⵉⴱⴷⵔ ⵓⵎⵏⵏⵉ 70 ⵏ ⵓⴷⵓⵙⵜⵓⵔ ⴰⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⴳⴰⵏ ⵜⵉⵎⵥⵍⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉ ⵉⵙⴽⵔⵏ ⵜⵉⵡⵡⵓⵔⵉⵡⵉⵏ ⵏ ⵓⵙⵓⵜⴳ ⵏ ⵜⴷⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵎⵏⵏⴰⵡ ⵉⴳⵔⴰⵏ.